自從ｐａｍ去左葡國之後，屋企真係靜左好多！（雖然佢平時都唔係成日留係ｈｏｅｍ架喇！） 有時又好驚媽咪會亂諗野，會覺得悶，所以我都盡我最大既能力去令佢安心，去關心佢地！照顧佢地！ 原來咁樣真係有少少壓力架！而家差唔多每晚我都會留係屋企，食完飯就睇電視，真係好耐冇出過去玩喇！ 不過唔知係咪因為咁樣，令我漸漸對出去玩呢種心態冷淡左落黎，有時寧靜靜靜地係屋企好過！ 不過唔知係咪留得係屋企多，近呢兩個星期都訓得好差呀！晚晚都訓唔著，成日都係到亂諗野，唉！ 唔知係咪人大左，所以開始覺得怯！有時會係到諗，我２２歲人喇都仲未識得照顧自己，書又讀唔好， 如果第時ｄａｄｄｙ，ｍｕｍｍｙ唔係我身邊，咁我點算好呢？我真係唔掂架！原來我都好脆弱架咋！ 我開始唔捨得佢地！開始怕有一日佢地真係會離開我！開始驚如果第日佢地唔再係我身邊， 我個病又有事咁我點算好呢？開始諗起自以前對佢地真係太唔上心！好自責！ ｄａｄｄｙ每日咁努力咁去做野養我，而我呢？？總覺得係應份的！其實我真係已經好幸福喇！！ 每次諗到呢到，我都忍唔住咁流左ｄ眼淚落黎！人愈大，真係愈來愈怕事！愈來愈怕死！ 從來我都冇為佢地做過ｄ乜野！我真係好希望由而家開始，就算我讀書唔得，我都可以好好孝順佢地！ 好喇發完顛喇！不過唔開心野又點只一樣丫！失敗既當然仲有我既學業喇！可能今年又衰左喇！ 其實我真係好俾心機咁去邊架今年！但可能我英文真係太差喇，根本冇一句聽得明佢講乜！ 我真係再冇信心留係呢間學校讀書呀！如果我今年都仲係升唔到，我到底仲應唔應該繼續讀書呢？ 我真係有諗過，今年之後出黎做野，唔再ｗａｓｔｅ佢地ｄ錢，自己既時間！但係冇大學畢業證書， 第時我出到黎又係咪真係可以養我起我屋企人，我自己呢？唉！真係好諷刺！人就係咁樣架喇！ 真係要到每件事都返唔到轉頭個時先識得後悔，家庭，學業，感情都都係咁！我都算失敗！！！ | 
